...

48 წლის ჯიმი უეინ კარვილმა ლოს-ანჯელესში, ჯენიფერ ენისტონის სასახლის კარიბჭეს მანქანა შეაჯახა. მსახიობი შემთხვევის დროს სახლში იმყოფებოდა. სერიალ „მეგობრების“ ვარსკვლავის დაცვამ მამაკაცი პოლიციის მოსვლამდე დააკავა, რის შემდეგაც იგი დევნისა და ვანდალიზმის ბრალდებით დააკავეს.

ლოს-ანჯელესში გამართულ სასამართლო პროცესზე კარვილი თვითმკვლელობის საწინააღმდეგო მოსასხამში გამოჩნდა და უცნაურად იქცეოდა - ხან ცივი მზერით იყინებოდა, ხან იღიმოდა. მას სიტყვაც არ უთქვამს, მხოლოდ შეეხო მინის ტიხარს, რომელიც მას დარბაზის დანარჩენი ნაწილისგან ჰყოფდა. სასამართლომ გადაწყვიტა, ეგო ფსიქიატრიულ ექსპერტიზაზე გაეგზავნა, რათა გაერკვია, არის თუ არა ის ფსიქიკურად ჯანმრთელი.

ამერიკული მედიის ცნობით, მამაკაცი ენისტონს 2023 წლიდან ადევნებდა თვალყურს: ის მას ხმოვან შეტყობინებებს, წერილებს უგზავნიდა და სოციალურ ქსელებში პოსტებს აქვეყნებდა, სადაც მას „თავის ცოლს“ და „სულის მეგობარს“ უწოდებდა. გამოძიების თანახმად, კარვილმა სახლზე თავდასხმა წინასწარ დაგეგმა.

სასამართლომ კარვილს მსახიობის სახლთან 100 მეტრზე უფრო ახლოს მიახლოება აუკრძალა. შემდეგი სასამართლო სხდომა 22 მაისს არის ჩანიშნული. თუ მამაკაცს დამნაშავედ ცნობენ, მას სამ წლამდე თავისუფლების აღკვეთა ემუქრება.