...

 ამერიკის შეერთებული შტატები და ევროკავშირი რუსეთსა და უკრაინას შორის 30-დღიანი ცეცხლის შეწყვეტის შესახებ წინადადებაზე მუშაობენ. ამის შესსახებ Reuters -ი  ფრანგულ დიპლომატიურ წყაროზე დაყრდნობით წერს.

გამოცემის ცნობით, აშშ და ევროპა აღნიშნული შეთავაზებისთვის მზადებას უკვე ასრულებენ, ხოლო რუსეთის მხრიდან მისი უარყოფის შემთხვევაში, მოსალოდნელი იქნება ახალი სანქციების დაწესება.

30-დღიანი ცეცხლის შეწყვეტის შესახებ წინადადება ჯერ არ არის დამტკიცებული და ის უახლოეს მომავალში კიევში, ევროპელი წარმომადგენლების შეხვედრაზე კიდევ უფრო დაიხვეწება.