რუსეთი და ოკუპირებული აფხაზეთი საუკუნოვანი ისტორიის მქონე მოკავშირეები არიან - ლავროვი
...
რუსეთის საგარეო საქმეთა მინისტრი სერგეი ლავროვი რუსეთის მიერ დროებით ოკუპირებული აფხაზეთის საგარეო საქმეთა მინისტრ ოლეგ ბარციცს შეხვდა.
„რუსეთი და აფხაზეთი საუკუნოვანი ისტორიის მქონე მოკავშირეები არიან“, - განაცხადა სერგეი ლავროვმა.
ოკუპირებული აფხაზეთის ე.წ. საგარეო საქმეთა მინისტრმა ბარციცმა განაცხადა, რომ აფხაზეთის სოციალურ-ეკონომიკური კანონმდებლობა რუსეთის კანონმდებლობასთან ჰარმონიზდება საპენსიო, სამედიცინო, საგანმანათლებლო და სხვა სფეროებში კონკრეტული შედეგების მიღწევის მიზნით.
„ჩვენს ქვეყნებს შორის თანამშრომლობა გლობალური და ყოვლისმომცველია. დღეს მას დამატებითი იმპულსი მიეცა“, - აღნიშნა ბარციცმა.
