...

მიუნხენში, ერთა ლიგის ფინალური მატჩის დროს, „ალიანც არენაზე“ ტრაგედია მოხდა. დამატებითი დროის პირველ ტაიმში, ერთ-ერთი მაყურებელი ტრიბუნების ზედა იარუსიდან დაახლოებით რვა მეტრის სიმაღლიდან გადმოვარდა და პრესის სექტორში დაეცა. ექიმებმა მისი გადარჩენა სცადეს, თუმცა რამდენიმე საათის შემდეგ ის გარდაიცვალა.

პოლიციის ცნობით, მსხვერპლი ბავარიელი მამაკაცი იყო. ამჟამად მიმდინარეობს გამოძიება, იკვლევენ ვიდეოკამერების ჩანაწერებს და იკითხებიან თვითმხილველები. ჯერ არ არსებობს ნიშნები, რომლებიც მიუთითებს, რომ ინციდენტი ძალადობრივი იყო.

„ამჟამად არ არსებობს საფუძველი ვიფიქროთ, რომ ეს ტრაგიკული შემთხვევის გარდა სხვა რამ იყო“, - განაცხადა პოლიციის წარმომადგენელმა.

უეფამ გულშემატკივრის გარდაცვალება დაადასტურა. ორივე გუნდის მწვრთნელებმა, ლუის დე ლა ფუენტემ (ესპანეთი) და რობერტო მარტინესმა (პორტუგალია), სამძიმარი გამოთქვეს.

დაცემის დროს სტადიონზე ათობით ჟურნალისტი და მაყურებელი იმყოფებოდა. RTL-ისა და DAZN-ის კომენტატორებმა რეპორტაჟები შეაწყვეტინეს, რათა მომხდარის შესახებ ეცნობებინათ. ის ადგილი, სადაც ადამიანი დაეცა, სასწრაფოდ გადაკეტეს და ექიმებმა დაზარალებულის რეამინირება ადგილზევე სცადეს.