...

კიევში,  რუსული დრონის თავდასხმის შედეგად, წმინდა სოფიას ტაძარი დაზიანდა. 

უკრაინის კულტურის მინისტრმა, ნიკოლა ტოჩიცკიმ, ნგრევის შესახებ განაცხადა. მისი თქმით, კიევში აფეთქების ტალღამ წმინდა სოფიას ტაძრის მთავარი აფსიდის კარნიზი დაანგრია.

ასევე ღამით, როგორც ტოჩიცკი წერს, ოდესის კინოსტუდია დაზარალდა - დაზიანდა იქ არსებული პავილიონები, სათავსოები, დეკორაციები და სატრანსპორტო საშუალებები.

გარდა ამისა, მთლიანად განადგურდა ფილმის „დოვჟენკოს“ გადასაღებ მოედანი, რომელიც ოდესის კინოსტუდიისა და ოდესის კინოპროდაქშენ კომპანიის პროექტი იყო. ეს არის ბიოგრაფიული ფილმი უკრაინელი რეჟისორის შესახებ, რომლის გადაღებაც უკრაინის სახელმწიფო კინოსააგენტოს მხარდაჭერით მიმდინარეობს. მისი პრემიერა 2026 წელს არის დაგეგმილი. მისი კადრები კანის 78-ე კინოფესტივალზე 2025 წლის მაისში აჩვენეს.