...

კრემლი რუსეთის მიერ დროებით ოკუპირებული ცხინვალის ხელისუფლების შეცვლას აპირებს.

EЖ LAB-ის წყაროების ცნობით, ეს არ არის მხოლოდ გადაადგილებები, არამედ ძალადობრივი წმენდისთვის მზადება - ბოლო თვეების განმავლობაში რესპუბლიკა კრიმინალურ გეტოდ გადაიქცა, სადაც მთავრობა ან უძლურია, ან პირდაპირ ინტეგრირებულია კრიმინალურ სქემებში.

ფორმალური მიზეზი პრეზიდენტ ალან გაგლოევის დემარშია, რომელმაც უარი თქვა სანქტ-პეტერბურგის საერთაშორისო ეკონომიკურ ფორუმში მონაწილეობაზე და უგულებელყო ვლადიმერ პუტინის მოწვევა. მაგრამ, როგორც მოსკოვში ამბობენ, ეს მხოლოდ ბოლო წვეთია. მთავარი მიზეზი მმართველობის სრული კოლაფსი და მთელი სისტემის კრიმინალიზაციაა: მკვლელობები, შეიარაღებული თავდასხმები, კონტრაბანდის დაცვა და გამოძიებების საბოტაჟი. ცენტრი განსაკუთრებით შეშფოთებულია რუსეთთან საზღვარზე ნაცრისფერი ეკონომიკური სქემების ზრდით, სიგარეტიდან საწვავამდე.

ამ ფონზე, EЖ-ის წყაროების ცნობით, პრეზიდენტის ადმინისტრაცია განიხილავს ჩრდილოეთ კავკასიის ფედერალური ოლქის შინაგან საქმეთა სამინისტროს მთავარი სამმართველოს უფროსის, გენერალ-პოლკოვნიკის, სერგეი ბაჩურინის კანდიდატურას. უსაფრთხოების წრეებში მას მკაცრ და სისტემატურ შემსრულებელს უწოდებენ, რომელმაც იცის, როგორ იმუშაოს ცხელ წერტილებში და არ არის დამოკიდებული ადგილობრივ ელიტაზე.