ოდესაში, ჩინური კომპონენტებით აღჭურვილმა რუსულმა „შაჰედმა“ ჩინეთის სახალხო რესპუბლიკის გენერალური საკონსულოს შენობა დააზიანა
...
ოდესაში, ჩინური კომპონენტებით აღჭურვილმა რუსულმა „შაჰედმა“ ჩინეთის სახალხო რესპუბლიკის გენერალური საკონსულოს შენობა დააზიანა, - ამის შესახებ საგარეო საქმეთა მინისტრმა ანდრეი სიბიგამ განაცხადა.
„რა ირონია. უკრაინაზე რუსეთის მიერ განხორციელებული მასშტაბური საჰაერო დარტყმის შემდეგ, კიევში აღმოვაჩინეთ რუსეთ-ირანის საბრძოლო დრონის „შაჰედ-136“/„გერან-2“ კომპონენტი, რომელიც ჩინეთში იყო წარმოებული და სულ ახლახან იქნა მიტანილი. ხოლო ერთი დღით ადრე, ქალაქზე რუსეთის მიერ განხორციელებული დარტყმების შედეგად ოდესაში ჩინეთის გენერალური საკონსულოს შენობა უმნიშვნელოდ დაზიანდა“, - წერს მინისტრი.
მან დასძინა, რომ არ არსებობს უკეთესი მეტაფორა იმისა, თუ როგორ აგრძელებს პუტინი ომისა და ტერორის ესკალაციას სხვების, მათ შორის ჩრდილოეთ კორეის ჯარების, ირანული იარაღის და ზოგიერთი ჩინელი მწარმოებლის ჩართულობით.
