...

სირიამ ისრაელთან ურთიერთობის ნორმალიზების პირობები დაასახელა.

სირია გოლანის მაღლობების საკითხის ისრაელთან მოგვარების ორ შესაძლო სცენარს განიხილავს, ნებისმიერი შეთანხმების მთავარი პირობა კი სირიის ტერიტორიიდან ისრაელის ძალების ნაწილობრივი გაყვანაა. ამის შესახებ ისრაელის ვებსაიტი i24News იტყობინება ქვეყნის ხელმძღვანელობასთან დაახლოებულ სირიულ წყაროზე დაყრდნობით.

პირველი ვარიანტის მიხედვით, ისრაელი შეინარჩუნებდა გოლანის მაღლობების მესამედზე კონტროლს, მეორე მესამედი სირიას გადაეცემოდა, ხოლო დანარჩენი ნაწილი ისრაელისგან გრძელვადიანი იჯარით 25 წლით იქნებოდა აღებული. მეორე სცენარის მიხედვით, ისრაელი ინარჩუნებს თავისი ტერიტორიის ორ მესამედს, ხოლო ერთ მესამედს სირიას დაუთმობს - მოგვიანებით მისი იჯარით გადაცემის შესაძლებლობით. ამავდროულად, განიხილება „მოულოდნელი კომპონენტიც“: ჩრდილოეთ ლიბანში არსებული რიგი ტერიტორიების, მათ შორის ტრიპოლის ქალაქისა და ბექაას ველის ნაწილების, სირიის კონტროლის ქვეშ შესაძლო გადაცემა.

წყაროს ცნობით, სირიის ახალი პრეზიდენტი ალ-შაარა „უპრეცედენტო ღიაობას“ იჩენს მოლაპარაკებების მიმართ, მათ შორის ისრაელთან ქვეყნის სამხრეთში უსაფრთხოების საკითხებზე პირდაპირი კომუნიკაციის არხებით. თუმცა, მისი თქმით, წინა ცეცხლის შეწყვეტის ხაზების მიღმა არსებული ტერიტორიების ნაწილის დაბრუნების გარეშე, პრეზიდენტი ვერ შეძლებს ქვეყანაში საჭირო მხარდაჭერის უზრუნველყოფას.