რუსეთის მოქალაქეებს, რომელთაც აშშ-ის ვიზების მიღება სურთ, „უსახლკარო ერების“ მოქალაქეთა კატეგორია მიანიჭეს
...
რუსეთის მოქალაქეებს, რომლებსაც ამერიკის ვიზის მიღება სურთ, სახელმწიფო დეპარტამენტმა „უსახლკარო ერების“ (Homeless Nationalities) მოქალაქეთა კატეგორია მიანიჭა. ასეთ სტატუსს აშშ-ის ხელისუფლება იმ ქვეყნის მოქალაქეებს ანიჭებს, სადაც შეერთებულ შტატებს საკუთარი საკონსულო წარმომადგენლობაარ გააჩნია ან სადაც არასტაბილური პოლიტიკური მდგომარეობაა, რის გამოც აშშ-ის დიპმისიებს საკუთარი მოვალეობის შესრულება არ შეუძლიათ.
„უსახლკარო ერების“ სიაში მოხვდნენ კუბა, ირანი, ლიბია, სომალი, სამხრეთ სუდანი, სირია, ვენესუელა და იემენიც.
ბლინკენის უწყება რუსეთის მოქალაქეებს ინსტრუქციას აძლევს, ამერიკის ვიზისთვის ვარშავაში აშშ-ის საელჩოს მიმართონ.
გაზაფხულზე რუსეთმა აშშ „არამეგობრული ქვეყნების“ სიაში შეიყვანა და ამერიკის საკონსულოების მუშაობა შეზღუდა.