...

უკრაინის დელეგაცია რუსეთის ფედერაციასთან მოლაპარაკებებისთვის სტამბოლში ორშაბათს საღამოს ჩავიდა. ამის შესახებ თურქული გამოცემა Sabah-ი წერს.

უკრაინის დელეგაციის თვითმფრინავი ათათურქის საერთაშორისო აეროპორტში დაახლოებით 22:00 საათზე დაეშვა.

სამგზავრო პროცედურების შემდეგ უკრაინელი დიპლომატები სასტუმროში გადავიდნენ.

მოლაპარაკებები სამშაბათს, 10:00 საათზე, სტამბოლში, დოლმაბაჰჩეს სასახლეში დაიწყება. საგარეო საქმეთა მინისტრმა დიმიტრი კულებამ წინა დღით განაცხადა, რომ უკრაინის დელეგაცია რუსეთის ფედერაციასთან თურქეთში მოლაპარაკებებზე რეფერენდუმის ჩატარების საკითხის განხილვას არ აპირებს. 

მინისტრმა აღნიშნა, რომ მოლაპარაკების არც ერთ ფუნდამენტურ საკითხზე შეთანხმება, როგორც ასეთი, არ არსებობს, მაგრამ ხდება აზრთა, წინადადებებისა და იდეების გაცვლა.