...

ამერიკელმა სენატორებმა მაიკლ ბენეტმა და რობ პორტმანმა წარადგინეს კანონპროექტი, რომლის მიხედვითაც დაყადაღებული რუსული აქტივებიდან თანხები გადანაწილდება უკრაინელი ლტოლვილების დასახმარებლად და უკრაინის აღდგენის ფონდში. ამის შესახებ Axios იუწყება.

ორპარტიული კანონპროექტი ითვალისწინებს ძვირადღირებული ქონების   გადაცემას საგანგებო ფონდებში. იუსტიციის სამინისტროს ახალი სამუშაო ჯგუფის KleptoCapture-ის მიერ ჩამორთმეული აქტივების ლიკვიდაციიდან ფული გადაეცემა უკრაინის დახმარების ფონდში. 

ფონდის სახსრები გამოყენებული იქნება უკრაინელი ლტოლვილების მხარდასაჭერად, უკრაინის აღდგენისა და სხვა ღონისძიებებისთვის. ფონდს ადმინისტრირებას გაუწევს სახელმწიფო დეპარტამენტი აშშ-ის საერთაშორისო განვითარების სააგენტოსთან კოორდინაციით. 

2 მარტს აშშ-ს გენერალურმა პროკურორმა მერიკ გარლანდიმ შექმნა KleptoCapture Task Force. მან უნდა ჩამოართვას იმ პირთა აქტივები, რომლებიც ექვემდებარებიან აშშ-ს სანქციებს.