...

უკრაინის  პოლიციის ცნობით, სასამართლო გამომძიებლები იკვლევენ 1084 მშვიდობიანი მოქალაქის ცხედარს, რომლებიც კიევის რეგიონში რუსული ძალების გაყვანის შემდეგ აღმოაჩინეს. 

კიევის ოლქის პოლიციის უფროსმა ანდრიი ნებიტოვმა განაცხადა, რომ ცხედრები უკრაინული ძალების მიერ რეგიონის დაბრუნების შემდეგ სასამართლო-გამომძიებლებმა გამოიკვლიეს. 

„ამჟამად გარდაცვლილთა რაოდენობა 1084-ია, ისინი გამომძიებლებმა გამოიკვლიეს და გადაიყვანეს სასამართლო დაწესებულებებში“, - განაცხადა ნებიტოვმა და დასძინა:

„ესენი  არიან მშვიდობიანი მოქალაქეები, რომლებსაც საერთო არაფერი ჰქონდათ ტერიტორიულ თავდაცვასთან ან სხვა სამხედრო ფორმირებებთან. აბსოლუტური უმრავლესობა - 50 პროცენტიდან 75 პროცენტამდე - არის მოკლული მცირე იარაღით - ავტომატით ან სნაიპერული შაშხანით"

ნებიტოვმა თქვა, რომ 300-ზე მეტი ცხედარი ჯერ არ არის იდენტიფიცირებული და აღნიშნა: 

"მოქალაქეებს მინდა მივმართო: შეგვატყობინეთ თქვენი ნაცნობებისა და ნათესავების შესახებ, რომლებიც გაუჩინარდნენ და არ არიან კავშირზე".

გამომძიებლებმა კიევის რეგიონში და უკრაინის სხვა ნაწილებში, რომლებიც რუსეთის ოკუპაციიდან გამოიხსნეს განაცხადეს, რომ მათ აღმოაჩინეს რუსული ძალების მიერ მშვიდობიანი მოსახლეობის მკვლელობის ფართო მტკიცებულებები.