...

ივნისის თვეში საქართველოს საფეხბურთო ნაკრები ერთა ლიგაში ოთხ მატჩს ჩაატარებს. დღეს საბოლოოდ გაირკვა იმ ქალაქებისა და სტადიონების ადგილი, სადაც ვილი სანიოლის გუნდი ითამაშებს.

საქართველოს ნაკრები ჯგუფის პირველ მატჩის 2 ივნისი თბილისში, დინამო არენაზე გამართავს და გიბრალტარს უმასპინძლებს. მატჩის დაწყების დრო 20:00 საათია.

ამის შემდეგ სანიოლის კრებული ბულგარეთსა და ჩრდილოეთ მაკედონიაში გადაინაცვლებს. ჩვენები 5 ივნისს რაზგრადში, ჰუვეფარმა არენაზე ბულგარელებს ესტუმრებიან, ხოლო 9 ივნისს სკოპიეში, ტოშე პროესკის სტადიონზე  – მაკედონიელებს.

ორივე მატჩი 22:45 საათზე დაიწყება.

ივნისის მატჩებს საქართველოს ეროვნული გუნდი თბილისში დახურავს – 12 ივნისს, დინამო არენაზე ისევ ბულგარელებს 20:00 საათზე დავუხვდებით.