...

რუსეთში სამ ათწლეულზე მეტი მუშაობის შემდეგ მაკდონალდსმა გადაწყვიტა სამუდამოდ დატოვოს  აგრესორი ქვეყანა. ეს არის უპრეცედენტო გადაწყვეტილება კომპანიის ისტორიაში.

„ეს არის რთული საკითხი, რომელიც უპრეცედენტოა და აქვს სერიოზული შედეგები“ -  განუცხადა The New York Times-ს მაკდონალდსის აღმასრულებელმა დირექტორმა კრის კემპჩინსკიმ. 

„ვიღაცამ შეიძლება თქვას, რომ საკვების მიწოდება და ათიათასობით რიგითი მოქალაქის დასაქმება, რა თქმა უნდა, სწორია. მაგრამ უკრაინის ომით გამოწვეული ჰუმანიტარული კრიზისის იგნორირება შეუძლებელია“, - ციტირებს კომპანიას მედია.

მაკდონალდსი გეგმავს გაყიდოს თავისი ბიზნესი ადგილობრივ მყიდველზე. რაც ნიშნავს, რომ ისინი აღარ გამოიყენებენ მაკდონალდსის სახელს, ლოგოს ან ბრენდს. 

როგორც ადრე უკრაინულმა გამოცემა  OBOZREVATEL-მა დაწერა,  რუსეთის ფედერაციის სახელმწიფო დუმამ შესთავაზა აკრძალოს ყველა უცხოური კომპანიის მუშაობა 10 წლით, რომლებიც არ აღადგენენ მუშაობას 1-ელ  მაისამდე. საუბარია ასობით კომპანიაზე, მათ შორის მაკდონალდსზე, IKEA-ზე და ა.შ.