...

შვედეთის მთავრობამ ოფიციალურად აცნობა ქვეყნის მეფესა და სამეფო სახლს  ნატოში განაცხადის პროცესის შესახებ.

„დღეს საგარეო საქმეთა მრჩეველთა საბჭო შეიკრიბა სამეფო სასახლეში, სადაც მთავრობამ მეფეს  მიაწოდა ინფორმაცია საგარეო და უსაფრთხოების პოლიტიკის მიმდინარე საკითხებზე“, - დაწერა  ორშაბათს საგარეო საქმეთა მინისტრმა ენ ლინდემ თავის  ოფიციალურ Twitter-ზე. 

ლინდემ ასევე გაიმეორა, რომ შვედეთის მთავრობის განზრახვა არის ნატოში გაწევრიანება. 

"ისტორიული დღეა შვედეთისთვის. პარლამენტში პოლიტიკური პარტიების ფართო მხარდაჭერით, დასკვნა არის ის, რომ შვედეთი უფრო ძლიერი იქნება ნატოში მოკავშირეებთან ერთად", - დაწერა მან ასევე ტვიტერზე.

კვირას, შვედეთის პრემიერ-მინისტრმა მაგდალენა ანდერსონმა გამოაცხადა მისი პარტიის მხარდაჭერა ნატოში გაწევრიანებისადმი, ხოლო ფინეთის მთავრობამ განაცხადა, რომ ის ასევე აპირებს ალიანსში გაწევრიანებას.