...

არ არსებობს არანაირი მტკიცებულება, რომ შეერთებულმა შტატებმა გამოიყენა პაკისტანის საჰაერო სივრცე ტერორისტული ორგანიზაციის ალ-ქაიდას ლიდერის, აიმან ალ-ზავაჰირის ლიკვიდაციისათვის.  ამის შესახებ პაკისტანის საგარეო საქმეთა სამინისტროს სპიკერმა ასიმ იფთიხარმა ისლამაბადში გამართულ პრესკონფერენციაზე განაცხადა.

ამასთან, საგარეო საქმეთა სამინისტროს  2 აგვისტოს განცხადებაში ხაზგასმულია, რომ ისლამაბადი იცავს საერთაშორისო კანონს და გაეროს შესაბამის რეზოლუციებს ტერორიზმთან ბრძოლაში. 

აშშ-ის პრეზიდენტმა ჯო ბაიდენმა 2 აგვისტოს დაადასტურა, რომ ზავაჰირი ავღანეთში უპილოტო საფრენი აპარატის დარტყმის შედეგად მოკლეს.

თეთრი სახლიდან საუბრისას ამერიკელმა ლიდერმა განაცხადა, რომ მისი თანხმობით ქაბულში ალ-ზავაჰირის ლიკვიდაციის ოპერაცია წარმატებით ჩატარდა. მან დაარწმუნა, რომ შეერთებული შტატები არასოდეს დაუშვებს ავღანეთს, გახდეს ტერორისტების თავშესაფარი. ”ეს ტერორისტული ლიდერი აღარ არის”, - დასძინა  ბაიდენმა.