...

აშშ-ს წარმომადგენელთა პალატის სპიკერმა ნენსი პელოსიმ აზიური ტურნე დაასრულა. ბოლო ვიზიტები მას იაპონიაში ჰქონდა. გამოცემა Nikkei იტყობინება, რომ სპეციალურმა რეისმა იაპონია უკვე  დატოვა მას შემდეგ, რაც პელოსმა რამდენიმე შეხვედრა გამართა ტოკიოში, კერძოდ, პრემიერ მინისტრთან ფუმიო კიშიდასთან და პარლამენტის ქვედა პალატის სპიკერთან ჰიროიუკი ჰოსოდასთან. 

შეხვედრისას მხარეებმა ხაზი გაუსვეს აშშ-იაპონური ალიანსის გაძლიერების მნიშვნელობას, ასევე თანამშრომლობას „თავისუფალი და ღია ინდო-წყნარი ოკეანის რეგიონის“ პრინციპის განსახორციელებლად. 

შეხვედრაზე ასევე განიხილეს რეგიონალური უსაფრთხოების საკითხები, როგორიცაა ჩრდილოეთ კორეის სარაკეტო და ბირთვული პროგრამა და სიტუაცია უკრაინაში. 

პელოსის აზიური ტური მოიცავდა ვიზიტებს სინგაპურში, იაპონიაში, სამხრეთ კორეასა და მალაიზიაში. პირველი გაჩერებები იყო სინგაპური და მალაიზია, საიდანაც იგი ტაივანში გაფრინდა, მიუხედავად ჩინეთის ძლიერი პროტესტისა. 

ეს ვიზიტი იყო აშშ-ს წარმომადგენელთა პალატის სპიკერის პირველი ვიზიტი ტაივანში 1997 წლის შემდეგ, რითაც  პელოსი  გახდა აშშ-ს უმაღლესი რანგის ოფიციალური პირი, რომელიც ეწვია კუნძულს ბოლო 25 წლის განმავლობაში.