გიორგი კალანდარიშვილი - ჩვენი მოლოდინი პრეზიდენტის მოტივთან დაკავშირებით გამართლდა და აღმოჩნდა, რომ საქმე გვაქვს პოლიტიკურ მოტივთან

სულ ნახვები : 1,609
Მიახლოება გადიდება წაიკითხეთ მოგვიანებით ბეჭდვა

...

„ფაქტობრივად, ჩვენი მოლოდინი პრეზიდენტის მოტივთან დაკავშირებით გამართლდა და აღმოჩნდა, რომ საქმე გვაქვს პოლიტიკურ მოტივთან, რაც სამწუხაროა, იქიდან გამომდინარე, რომ ასეთმა პოლიტიკურმა გადაწყვეტილებამ შეიძლება, მნიშვნელოვნად დააზიანოს ინსტიტუცია“, – ამის შესახებ ცესკო-ს თავმჯდომარემ, გიორგი კალანდარიშვილმა განაცხადა.

კალანდარიშვილის თქმით,  ჯერ დასკვნებზე საუბარი ნაადრევია.

„კარგად ვნახეთ, რომ ამ ყველაფერმა გამოიწვია ფართო პოლიტიკური ინსინუაციები. ვნახეთ ბოლო კვირების განმავლობაში გარკვეული პოლიტიკური წნეხი და ზეწოლა პრეზიდენტთან მიმართებაში, რომ ეს საკონკურსო კომისია ატარებდა ფორმალურ ხასიათს და იქ რაიმე ტიპის ჩარევა უნდა მომხდარიყო. ვფიქრობ, რომ ალბათ, გარკვეულწილად, ამ გარემოებებმაც იქონიეს გავლენა პრეზიდენტის გადაწყვეტილებაზე. მოლოდინი მქონდა, რომ დინამიკაში არსებული მრავალპარტიული მხარდაჭერა, რომელიც მზარდი იყო ჩემს კანდიდატურასთან მიმართებაში, ზუსტად ამან განაპირობა, რომ მესამედ მიმემართა საკონკურსო კომისიისთვის და მქონოდა შესაძლებლობა, რომ სათანადო ეტაპზე ზუსტადაც რომ საკანონმდებლო ორგანოსთან უზრუნველმეყო, რაც შეიძლება გამეზარდა მაქსიმალურად მხარდამჭერთა რაოდენობა, რისი შესაძლებლობაც სამწუხაროდ არ მომეცა. ჩვენ თავდაპირველი შემართებით, მოტივაციით ვაგრძელებთ მუშაობას და გავაგრძელებთ, ვიდრე შესაბამისი უფლებამოსილების ვადა იარსებებს. როგორც იცით, ვიდრე ახალი თავმჯდომარე ან ახალი კომისიის წევრები არ იქნებიან არჩეულები, ჩვენ მუხლჩაუხრელად ვიმუშავებთ, რომ კვლავ ყველა დაწყებული თუ დასაწყები საქმე ასევე წარმატებით და შესაბამისი შედეგებით განხორციელდეს და გაკეთდეს. ნებისმიერ შემთხვევაში ჩვენ უნდა დაველოდოთ მოვლენების განვითარებას. რამდენიმე ეტაპი დარჩა კონკურსის, რომელიც გულისხმობს საკომიტეტო მოსმენას, სესიებზე კენჭისყრის პროცედურებს და ასე შემდეგ, აქედან გამომდინარე, ჯერ ნაადრევია გარკვეულ დასკვნებზე საუბარი, თუ რას შეიძლება ველოდოთ ამ კონკურსიდან. შემდგომ უკვე საზოგადოებასთან ერთად მოვახდენთ გარკვეული გადაწყვეტილების მიღებას, თუ რა მიმართულებით სჯობს რომ წავიდეთ“, – განაცხადა კალანდარიშვილმა.

ცნობისთვის, პრეზიდენტმა პარლამენტს ცესკო-ს თავმჯდომარის თანამდებობაზე ასარჩევად თამარ ალფაიძისა და რევაზ ეგაძის კანდიდატურები წარუდგინა.

Მეტის ნახვა

უახლესი ვიდეოები

პოლიტიკა ► Მეტის ნახვა
საზოგადოება ► პერსონა Მეტის ნახვა