...

ცამეტი ადამიანი დაშავდა ანექსირებული ყირიმის დასავლეთით, საკურორტო სოფელ ნოვოფედოროვკას მახლობლად მდებარე აეროდრომზე საბრძოლო მასალის აფეთქების შედეგად.

დაზუსტებულია, რომ საქის რაიონულმა საავადმყოფომ 10 დაზარალებულს, მათ შორის 2 არასრულწლოვანს ამბულატორიული დახმარება გაუწია. ყველა მათგანმა მსუბუქი დაზიანებები მიიღო. ერთი პაციენტი აგრძელებს სტაციონარულ მკურნალობას. 

სიმფეროპოლის მე-6 სასწრაფო ჰოსპიტალს დახმარებისთვის ორმა დაზარალებულმა დამოუკიდებლად მიმართა და საჭირო დახმარების გაწევის შემდეგ სახლში გაგზავნეს. 

მანამდე გავრცელდა ინფორმაცია ცხრა დაშავებულის  შესახებ. 

9 აგვისტოს დროებით ოკუპირებულ ყირიმში, საკის სამხედრო აეროდრომზე საავიაციო საბრძოლო მასალები აფეთქდა. რუსეთის ფედერაციის თავდაცვის სამინისტროს ცნობით, ობიექტზე ხანძრის ზემოქმედება არ დაფიქსირებულა და აეროდრომზე საავიაციო ტექნიკა არ დაზიანებულა. თავდაცვის სამინისტროს წყარომ საბრძოლო მასალის აფეთქების ძირითადი ვერსია სახანძრო უსაფრთხოების წესების დარღვევას უწოდა. არ არსებობს მიზანმიმართული ზემოქმედების ნიშნები მათი შელახვის მიზნით. შემოღებულ იქნა ხუთკილომეტრიანი კორდონის ზონა, გაძლიერდა უსაფრთხოების ზომები. მიმდებარე სახლებიდან 30-მდე ადამიანის ევაკუაცია განხორციელდა.