რაშისტები ყირიმში ყირიმელი თათრების მასობრივ მობილიზაციას ახდენენ, - უკრაინის პრეზიდენტის მუდმივი წარმომადგენელი
...
რაშისტები ყირიმში ყირიმელი თათრების მასობრივ მობილიზაციას ახდენენ, - ამის შესახებ უკრაინის პრეზიდენტის მუდმივმა წარმომადგენელმა ყირიმის ავტონომიურ რესპუბლიკაში თამილა ტაშევამ განაცხადა.
”გუშინ და დღეს რეიდები ტარდება ყველა დასახლებაში, სადაც კომპაქტურად ცხოვრობენ ყირიმელი თათრები - სკოლებში, ბაზრებში, ხალხმრავალ ადგილებში. გამოძახებებს ურიგებენ, ადამიანებს ხშირად სვამენ მანქანებში და მიჰყავთ სამხედრო აღრიცხვისა და გაწვევის ოფისებში. ასაკი - 18-50 წელი.
ჩვენი წყაროების ცნობით, ისინი არ უყურებენ იმ დაავადებებს, რაც ზოგ მათგანს აქვს, აცხადებენ, რომ „ახლა ყველა შესაფერისია”- თქვა ტაშევამ.
მისივე განცხადებით, "რუსებს სურთ ყირიმელი თათრების განადგურება, ამისთვის მობილიზაციას იყენებენ".