...

უკრაინის საგარეო საქმეთა სამინისტრომ მადლობა გადაუხადა თურქეთს და პირადად პრეზიდენტ რეჯეფ თაიფ ერდოღანს რუსეთის ტყვეობიდან 215 უკრაინელი სამხედრო ტყვეს ქვეყანაში დაბრუნებისთვის. 

„უკრაინა მადლიერია თურქეთის და პირადად ამ ქვეყნის პრეზიდენტის რეჯეფ თაიფ ერდოღანის შუამავლობისთვის, რამაც შესაძლებელი გახადა 215 ადამიანის დაბრუნება რუსული ტყვეობიდან. ჩვენ დიდად ვაფასებთ ამ მხარდაჭერას“, - ნათქვამია საგარეო საქმეთა სამინისტროს ტვიტერში. 

მანამდე თურქეთის სახელმწიფოს მეთაურმა ნიუ-იორკში თურქეთის სახლში ჟურნალისტებს განუცხადა, რომ დიპლომატიური მოლაპარაკებების შედეგად, რომელიც მას ჰქონდა რუსეთის პრეზიდენტ ვლადიმერ პუტინთან და უკრაინის პრეზიდენტ ვოლოდიმირ  ზელენსკისთან, ქვეყნებს შორის 200 სამხედრო ტყვე გაცვალეს.