...

სახალხო დამცველის ექიმთა კონსილიუმის წევრი, გიორგი გრიგოლია ამბობს, რომ დღეს კლინიკა ვივა მედში ექიმები მიხეილ სააკაშვილის მკურნალ ექიმს შეხვდებიან და მისგან პირადად მოისმენენ იმას, თუ როგორ მიდიოდა მკურნალობა 6 თვის განმავლობაში.

გრიგოლიას თქმით, თუ საავადმყოფოში სააკაშვილის მდგომარეობა გაუარესდა, სავარაუდოა, რომ მკურნალობა წარუმატებელი იყო.

"გვაინტერესებს მკურნალი ექიმის აზრი ამ 6 თვის განმავლობაში, ისტორიაში ყველაფერი ხომ არ წერია. აპრილის ბოლოს ვნახეთ აღდგომამდე ბოლოს, მერე აღარ შევსულვართ იმიტომ რომ ვთვლიდით რომ საავადმყოფოში იმყოფება და ვთვლიდით, რომ მეტ-ნაკლებად დაცული იქნებოდა გართულებებისგან. 

იმასთან შედარებით წონის კლებაა, კახექსიურია, დასუსტებულია ნევროლოგია გაუარესებულია, მკვეთრად უკანსვლაა ამ 6 თვეში. თუ საავადმყოფოში ყოფნის დროს მდგომარეობა გაუარესდა უნდა ვიფიქროთ, რომ ალბათ, წარუმატებელი მკურნალობა იყო", - თქვა გიორგი გრიგოლია.