...

ოკუპირებულ აფხაზეთში დღეს კორონავირუსის საწინააღმდეგო რუსული ვაქცინით მოსახლეობის ვაქცინაცია იწყება. ამის შესახებ არაღიარებული რესპუბლიკის ჯანდაცვის მინისტრის მოადგილემ ვახტანგ ვარდანიამ განაცხადა.

„სპუტნიკ V“-ის 6.5 ათასი დოზა აფხაზეთმა 30 აპრილს მიიღო. ვაქცინით პირველ რიგში მედიცინის მუშაკებს აცრიან.

პანდემიის დაწყებიდან დღემდე ოკუპირებულ რეგიონში კორონავირუსის 14 834 შემთხვევაა გამოვლენილი, გარდაცვლილია 224 და გამოჯანმრთელებულია 13 823 პაციენტი.