ბავშვები, რომლებსაც 6 წელი 1-ელ ნოემბრამდე შეუსრულდებათ, 2023-2024 სასწავლო წელს პირველ კლასში დარეგისტრირებას შეძლებენ

სულ ნახვები : 267
Მიახლოება გადიდება წაიკითხეთ მოგვიანებით ბეჭდვა

...

პარლამენტმა მესამე, საბოლოო მოსმენით, 84-ხმით დაამტკიცა „ზოგადი განათლების შესახებ“ საქართველოს კანონში შესატანი ცვლილებები, რომლის მიხედვითაც, ბავშვები, რომლებსაც 6 წელი პირველ ნოემბრამდე შეუსრულდებათ, 2023-2024 სასწავლო წელს პირველ კლასში დარეგისტრირებას შეძლებენ.

კანონის მიხედვით განსაზღვრულია, რომ ზოგადი განათლების დაწყების საფეხურზე სწავლების დაწყების ასაკია 6 წელი, რომელიც ბავშვს სასწავლო წლის დაწყების თარიღის ჩათვლით უსრულდება, ხოლო ის ბავშვები, რომლებსაც 6 წელი სასწავლო წლის დაწყების თარიღის მომდევნო დღიდან პირველ ნოემბრამდე უსრულდებათ, სწავლის დაწყებას ნაბაყოფლობით, სურვილის შემთხვევაში მშობლის ან კანონიერი წარმომადგენლის გადაწყვეტილებით შეძლებენ.

მთავრობის მიერ ინიცირებული კანონპროექტი პარლამენტში დაჩქარებული წესით განიხილეს, რადგან, როგორც ცნობილია, 17 მაისიდან პირველკლასელთა საყოველთაო რეგისტრაცია იწყება.

Მეტის ნახვა

უახლესი ვიდეოები

განათლება ► მეცნიერება ► Მეტის ნახვა