უკრაინამ თამაზ და დავით გაიაშვილები, „ჯორჯიან ეარვეისი“ და ვალერი კვარაცხელიას შვილის კომპანია სანქცირებელთა სიაში შეიყვანა
სულ ნახვები :
435
...
უკრაინის ხელისუფლებამ თამაზ გაიაშვილი, დავით გაიაშვილი, კომპანია "ჯორჯიან ეარვეისი" და ვალერი კვარაცხელიას შვილის კომპანია დასასანქცირებელ პირთა სიაში შეიყვანა - ინფორმაციას ამის შესახებ მოძრაობა "დროა" ავრცელებს.
პუტინის ბრძანებულების შემდეგ, 20 მაისიდან 4 წლიანი პაუზის შემდეგ, "ჯორჯიან ეარვეისმა" თბილისი-მოსკოვი-თბილისის პირდაპირი რეისების შესრულება დაიწყო.
აღსანიშნავია, რომ საქართველოს მოსახლეობის უდიდესი ნაწილი რუსეთთან ფრენების კატეგორიული წინააღმდეგია. ეს საპროტესტო აქციაზე არაერთგზის განცხადდა.