...

რუსეთმა 17 მილიონ დოლარამდე დახარჯა კიევზე ღამის სარაკეტო თავდასხმაზე, რომელსაც სამი ადამიანი ემსხვერპლა. ამის შესახებ  უკრაინის თავდაცვის ძალების მედიაპლატფორმა სამხედრო მედია ცენტრი იტყობინება.

მათი ცნობით, რუსეთმა 7 ისკანდერ-M ბალისტიკური რაკეტა და 3 ისკანდერ-K საკრუიზო რაკეტა გაუშვა კიევზე - ყველა მათგანი  უკრაინის საჰაერო თავდაცვის მიერ იქნა ჩამოგდებული და განადგურებული.

აღნიშნულია, რომ ერთი რაკეტა ისკანდერ-M  2 მილიონ აშშ დოლარამდე ღირს, ისკანდერ-K რაკეტის ღირებულება კი  1 მილიონ აშშ დოლარამდეა. ამრიგად, რუსმა ოკუპანტებმა 17 მილიონ დოლარამდე დახარჯეს მხოლოდ ერთი ღამის შეტევისთვის უკრაინის დედაქალაქზე.

ფონი: ღამით მტერმა გამოიყენა ისკანდერის ოპერატიულ-ტაქტიკური სარაკეტო სისტემის რაკეტები სამოქალაქო და კრიტიკული ინფრასტრუქტურის წინააღმდეგ უკრაინის დედაქალაქსა და კიევის რეგიონში. უკრაინის საჰაერო ძალებმა  10 რაკეტიდან 10-ვე განადგურა. კიევში რუსული რაკეტების ფრაგმენტების ჩამოვარდნის შედეგად 3 ადამიანი დაიღუპა, მათ შორის ერთი ბავშვი.