ბაზარზე, ნედლი ნავთობის ფასი ერთკვირიან შუალედში 8%-ით გაძვირდა
...
საუდის არაბეთი ნავთობის წარმოებას დღეში 1 მილიონი ბარელით ამცირებს. გადაწყვეტილების მიზანი შემცირებული ფასების გაზრდაა.
წარმოების შემცირების დაანონსებამ ნედლი ნავთობის ბაზარზე მცირედი გავლენა მაშინვე იქონია, ფასებმა ზრდა დაიწყო და ერთი დღის განმავლობაში, ნედლეული, დაახლოებით, 1%-ით გაძვირდა. დღევანდელი მონაცემებით, ერთი ბარელი Brent-ის ნედლი ნავთობი 78 დოლარი ღირს, ტეხასური WTI-ის ღირებულება ბარელზე 74 დოლარის ფარგლებშია.
ბოლო პერიოდში ნავთობის ფასმა დაღმასვლა განიცადა, Brent-ი 72 დოლარს, WTI-ი კი 70-დოლარიან ფსიქოლოგიურ ნიშნულს ჩამოსცდა და 68 დოლარამდე შემცირდა, რაც აშშ-ს სესხის ჭერზე შეთანხმების გაჭიანურებამ და ფინანსურ ბაზრებზე შესაძლო კოლაფსის რისკმა განაპირობა.
აღსანიშნავია, რომ რესპუბლიკელებმა და დემოკრატებმა ეროვნული სესხის ლიმიტის გაზრდაზე საბოლოო შეთანხმებას უკვე მიაღწიეს, რაც ქვეყანას ეკონომიკურ კატასტროფას - დეფოლტს 2 წლით აარიდებს თავიდან. მას შემდეგ ნავთობის ფასი ზრდის გზას დაადგა და ერთკვირიან შუალედში, დაახლოებით, 8%-ითაა გაძვირებული.