2 ივნისის აქციაზე დაკავებულს ცემის ფაქტზე შესაძლოა გამოძიება დაიწყოს
...
„მინიმუმ სამი მუხლით გათვალისწინებულ დანაშაულს ჰქონდა ადგილი“ - ამის შესახებ უფლებადამცველმა გიორგი მშვენიერაძემ დღეს, 5 ივნისს განაცხადა. მისი თქმით, საქმე ეხება 2 ივნისის აქციაზე დაკავებული ერთ-ერთი მოქალაქის ცემის ფაქტს.
მშვენიერაძის თქმით, საქმეზე ინფორმაციას ფლობს სახალხო დამცველიც.
„აღნიშნულის შესახებ, მისმა წარმომადგენლებმა ინახულეს დაკავებულებიც და აქვთ ინფორმაცია, რომ ერთ-ერთ დაკავებულს ფიზიკურად გაუსწორდა პოლიცია.
მოვითხოვთ საქმის გამოძიებას, რადგანაც მინიმუმ სამი მუხლით გათვალისწინებულ დანაშაულს ჰქონდა ადგილი, ესენია სიტყვის თავისუფლების ხელშეშლა სამსახურებრივი პოზიციის გამოყენებით, შეკრება-მანიფესტაციის ხელშეშლა სამსახურებრივი პოზიციის გამოყენებით და ყველასთვის ხილული უკანონო დაკავება, რაც ასევე წარმოადგენს დანაშაულებრივ სტატუსს.
ჩვენ ამისთვის მივმართავთ როგორც პროკურატურას, ასევე ნაწილ დანაშაულებთან დაკავშირებით მივმართავთ დამოუკიდებელ საგამოძიებო მექანიზმს“, - განაცხადა მშვენიერაძემ.