...

უახლოეს მომავალში აფხაზეთს შეიძლება დაემუქროს ელექტროენერგიის ძლიერი დეფიციტი, თუ თვითგამოცხადებული რესპუბლიკის ხელისუფლება ვერ შეძლებს რუსეთთან შეთანხმებას ახალი ელექტროენერგიის მიწოდებაზე.

„გადინება თუ არ იქნება, ჩვენი განრიგი იქნება 50/50 – 12 საათი იქნება შუქი, 12 საათი არ იქნება. ენგურჰესის  მიერ გამომუშავებული ელექტროენერგია მეტისთვის არ არის საკმარისი“, - განაცხადა «Аиашара»-სთან ინტერვიუში „ჩერნომორენერგოს“ გენერალურმა დირექტორმა თემურ ჯინჯოლიამ.

თავის მხრივ ფსევდო ვიცე-პრემიერი, ეკონომიკის მინისტრი კრისტინა ოზგანი Apsnypress-თან საუბარში ენერგეტიკის ინდუსტრიაში არსებულ „რთულ ვითარებას“ ეხმაურება, რომელიც, მისი თქმით, უკვე რამდენიმე წელია აფხაზეთში ყალიბდება.