...

რუსეთის მოქალაქემ გერმანიაში ორი უკრაინელი სამხედრო მოკლა. სამხედროები გერმანიაში  რეაბილიტაციას გადიოდნენ.

უკრაინის საგარეო საქმეთა სამინისტრომ განაცხადა, რომ  ერთი მოკლული 36 წლის იყო, მეორე - 23 წლის, საომარ მოქმედებებში მონაწილეობის შემდეგ ,,სამედიცინო რეაბილიტაციისთვის" ბავარიის მხარეში იმყოფებოდნენ.

მკვლელობაში ეჭვმიტანილი რუსეთის მოქალაქეა. გამომძიებლების თქმით, მან დანით დაჭრა ორი უკრაინელი ჯარისკაცი: ერთი მათგანი მაშინვე გარდაიცვალა, მეორე კი მოგვიანებით საავადმყოფოში გარდაიცვალა. ეჭვმიტანილი დანაშაულის ადგილის მახლობლად საკუთარ ბინაში იპოვეს. პოლიციამ  მსხვერპლთა სისხლი კარის სახელურზე იპოვა.

ბავარიის შინაგან საქმეთა მინისტრმა იოახიმ ჰერმანმა განაცხადა, რომ გამოძიება დეტალურად გამოიძიებს დანაშაულის მოტივებს.

ამავდროულად, უკრაინის საგარეო საქმეთა მინისტრმა დიმიტრი კულებამ თავის დიპლომატებს დაავალა, ყურადღებით დააკვირდნენ ამას და შეინარჩუნონ კონტაქტი გერმანიის სამართალდამცავ თანამშრომლებთან.

პოლიციის ცნობით, ჯერჯერობით არ არსებობს არანაირი მტკიცებულება, რომ მკვლელობა რაიმე სახით უკავშირდებოდეს რუსეთის შეჭრას უკრაინაში. როგორც ჩანს, სამივე მამაკაცი ერთმანეთს იცნობდა.