...

ბუნდესტაგის  და ევროკავშირის საკითხთა კომიტეტის წევრი თომას ჰაკერი დაესწრო გუშინდელ აქციას „უცხოური აგენტების შესახებ“ კანონის წინააღმდეგ და განაცხადა, რომ ესმის, რომ „ამ დღეებში ევროპის გული თბილისში ცემს“.

დეპუტატის თქმით, „ქართულ ოცნებას“ სრულიად არ აქვს შეხება ქართველების სურვილებთან და აღნიშნავს, რომ კანონის მიღების შემთხვევაში, ევროკავშირმა უნდა განიხილოს პერსონალური სანქციები კანონის ინიციატორების მიმართ და განიხილოს საქართველოს კანდიდატის სტატუსის გაუქმება.

ჰაკერმა აღნიშნა, რომ ქართული საზოგადოების ნაწილის პროტესტმა ხელისუფლებაში მყოფ პარტიაზე „შთაბეჭდილება არ მოახდინა“, რადგან „ოცნებისგან“ არანაირი დათმობა არ ყოფილა.

გერმანელმა პოლიტიკოსმა ხაზგასმით აღნიშნა, რომ კანონი „უცხოური აგენტების შესახებ“ პრაქტიკაში მიზნად ისახავს კრიტიკული მედიისა და არასამთავრობო ორგანიზაციების გაჩუმებას.

ჰაკერმა საქართველოს პარლამენტს კანონპროექტის საბოლოოდ გატანისკენ მოუწოდა.

მან ასევე ხაზგასმით აღნიშნა, რომ ქართველი ხალხი „იმსახურებს ჩვენს პატივისცემას და აღფრთოვანებას".