..

საფრანგეთის პოლიციამ მსახიობი ჟერარ დეპარდიე სექსუალური ძალადობის ბრალდებების გამო დაკითხა.

ფრანგული მედიის ცნობით, 75 წლის მსახიობი ახლა პარიზში იმყოფება. პოლიცია მას ორ საქმეზე კითხავს, ​​რომლებშიც ქალები მას სექსუალურ ძალადობაში ადანაშაულებენ.

განმცხადებლებმა მის წინააღმდეგ ცალკე საჩივრები შეიტანეს. ვარაუდობენ, რომ ძალადობრივი ინციდენტები მოხდა ფილმების გადაღების დროს: ერთი 2014 წელს, მეორე 2021 წელს.

კერძოდ, ერთ-ერთი დეკორატორი ამტკიცებს, რომ დეპარდიემ მას სექსუალური შეურაცხყოფა მიაყენა ფილმის Les Volets Verts-ის გადაღებების დროს. კიდევ ერთმა ქალმა განაცხადა, რომ მსახიობმა უხამსი სიტყვები გამოიყენა და ინტიმურ ადგილებში შეეხო ფილმის ,,ჯადოქარი და სიამის" გადასაღებ მოედანზე.

გარდა ამისა, 2018 წელს დეპარდიეს უჩივლა მსახიობმა შარლოტა არნუმ, რომელიც გაუპატიურებაში ადანაშაულებდა. ეს საქმე 2020 წლიდან მიმდინარეობს, თავად დეპარდიე უარყოფს ყველა ბრალდებას.