...

ყაზახეთის გენერალურმა პროკურატურამ შინაგან საქმეთა სამინისტროს ყოფილი ხელმძღვანელის დაკავების შესახებ განაცხადა.

ყაზახეთის შინაგან საქმეთა ყოფილ მინისტრ ტურგუმბაევის წინააღმდეგ სისხლის სამართლის საქმე აღიძრა 2022 წლის იანვრის მოვლენების დროს სამსახურებრივი უფლებამოსილების გადამეტებისთვის, იუწყება ქვეყნის გენერალური პროკურატურის პრესსამსახური.

ტურგუმბაევი შინაგან საქმეთა სამინისტროს 2019 წლიდან ხელმძღვანელობდა და თანამდებობიდან იანვრის მოვლენების შემდეგ გაათავისუფლეს. რის შემდეგაც ის იყო პრეზიდენტის მრჩეველი დაახლოებით ექვსი თვის განმავლობაში, ხოლო 2023 წელს დაინიშნა შანხაის თანამშრომლობის ორგანიზაციის (RATS SCO) რეგიონული ანტიტერორისტული სტრუქტურის მრჩევლად.

ყაზახეთში 2022 წლის 2 იანვარს მასობრივი საპროტესტო აქციები დაიწყო გაზის ფასის გაორმაგების წინააღმდეგ. პროტესტი სწრაფად გაფართოვდა და მომიტინგეებმა პოლიტიკური მოთხოვნები წამოაყენეს. არეულობის შედეგად, ოფიციალური მონაცემებით, დაიღუპა 238 და დაშავდა 4353 ადამიანი.