...

რუსული კანონის მოწინააღმდეგეთა დატერორებას და ცემას პარლამენტის წევრი „ქართული ოცნებიდან“ რატი იონათამიშვილი ეხმაურება. მისი თქმით, ძალადობა და ბულინგი ოპოზიციამ დაიწყო.

„როგორ დაიწყო ჯერ ფიზიკური, მერე ფსიქოლოგიური ძალადაობა და ბულინგი?!

პირველი იყო ელისაშვილის ვირთხული, მიპარვით თავდასხმა უმრავლესონის ლიდერზე, რაც არ შეიმჩნიეს, პირიქით, შეაქეს კიდეც…სატელეფონო ზარებს რაც შეეხება, ასევე პირველი იყო ხელისუფლების წარმომადგენლების ტელეფონების საჯაროდ გამოდება, რასაც მოყვა ასობით ზარი და მესიჯი, თუმცა ჩვენ ოპოზიციის წარმომადგენლებივით ტირილი და გოდება არ დაგვიწყია, გვირეკავენო…სხვათა შორის, შარშან, ასეთ ზარებზე მამუკა მდინარაძემ მკაცრდ რომ უპასუხა, მაშინ ტვ პირველზე გამოდეს, მდინარაძე გვაგინებსო, წელს - აღარ, ეტყობა სხვა, უფრო “ვაჟკაცური” გეგმები აქვთ და ბოლოს, გუშინდელ ძალადობებზე. ამას აუცილებლად გამოიძიებენ. სამწუხაროდ ეს ძალიან სწრაფად არ ხდება, თუმცა პირველი გივი თარგამაძე გვახსენდება, ქათამივით რომ აკლავდნენ თავიანთ “დიად რევოლუციურ გეგმებს”. სხვა გზა არც ახლა დარჩათ, ახლაც მსხვერპლი ჭირდებათ, თორემ რუსულმა მესიჯმა აღარ იმუშავა და ხალხი აქეთ გვეუბნება, უკან არ დაიხიოთ, ეს თაღლითობა და მავნებლობა არ გაატანინოთო. ეს გვითხრა 29 აპრილს მოსულმა ორასიათასზე მეტმა ადამიანმაც!,” - წერს რატი იონათამიშვილი.