ბედნიერებაა იმ ბიჭების ნახვა ვისთან ერთადაც ცხოვრების ერთ-ერთი ყველაზე მაგარი წუთები გავატარე - გიორგი ქოჩორაშვილი
...
საქართველოს ნაკრების ფეხბურთელი, გიორგი ქოჩორაშვილი ნაკრებს შეუერთდა. ქოჩორაშვილი სოციალურ ქსელში წერს, რომ ბედნიერებაა იმ ბიჭების ნახვა ვისთან ერთადაც ცხოვრების ერთ-ერთი ყველაზე მაგარი წუთები გაატარე.
მისი თქმით, უმნიშვნელოვანესია კვლავ დიდი სიხარული მოუტანონ ქართველ გულშემატკივარს.
"თითქოს დიდი დრო გავიდა, იმდენად ბედნიერებაა იმ ბიჭების, ჩემი მეგობრების ნახვა ვისთან ერთადაც ცხოვრების ერთ-ერთი ყველაზე მაგარი წუთები გავატარე.
თუმცა, აუცილებლად უნდა დავივიწყოთ ის, რაც გავაკეთეთ და ვიფიქროთ იმაზე, რა უნდა გავაკეთოთ, რადგან ახალი შანსი ახალი შესაძლებლობაა ხელახლა გავახაროთ მსოფლიოში საუკეთესო გულშემატკივრები"-წერს გიორგი ქოჩორაშვილი.
შეგახსენებთ, სექტემბერში საქართველოს ეროვნული გუნდი ერთა ლიგის ორ მატჩს გამართავს. 7 სექტემბერს მიხეილ მესხის სახელობის სტადიონზე ჩეხეთს უმასპინძლებს, 10 სექტემბერს კი ტირანაში ალბანეთის ეროვნულ ნაკრებს დაუპირისპირდება.
