...

სპეციალური საგამოძიებო სამსახური 26 ოქტომბრის არჩევნების დღეს, მედიის წარმომადგენლებზე განხორციელებულ თავდასხმის და შევიწროების ფაქტებზე.

სპეციალურმა საგამოძიებო სამსახურმა გამოძიება დაიწყო.

„სპეციალურ საგამოძიებო სამსახურში, 2024 წლის 26 ოქტომბერს, ჟურნალისტების პროფესიულ საქმიანობაში უკანონოდ ხელის შეშლის შესაძლო ფაქტებთან დაკავშირებით, გამოძიება საქართველოს სისხლის სამართლის კოდექსის 154-ე მუხლის პირველი ნაწილით მიმდინარეობს.

გამოძიების დაწყებას საფუძვლად დაედო მედიაომბუდსმენიდან, შინაგან საქმეთა სამინისტროდან და სამსახურის ცხელ ხაზზე შემოსული შეტყობინებები, ასევე ჩატარებული გასაუბრებები, რომელიც  საქართველოს სხვადასხვა რეგიონში ჟურნალისტებთან დაკავშირებულ 17 ინციდენტს შეეხებოდა. აღნიშნული ფაქტებიდან 13 შემთხვევა, შეტყობინების შინაარსიდან გამომდინარე არ შეიცავდა დანაშაულის ნიშნებს. მიუხედავად ამისა, თითოეულ ფაქტთან დაკავშირებით სპეციალური საგამოძიებო სამსახურის გამომძიებლები შეტყობინების შემოსვლისთანავე არაერთგზის დაუკავშირდნენ ჟურნალისტებსა და ოპერატორებს და მყისიერი სამართლებრივი რეაგირება მოახდინეს. ამ დროისთვის, საგამოძიებო ორგანოში,  ინფორმაციის მოწოდების მიზნით, მხოლოდ 5 ჟურნალისტი და 1 ოპერატორი გამოცხადდა.

სპეციალური საგამოძიებო სამსახური საქმეზე ატარებს ყველა საჭირო საგამოძიებო და საპროცესო მოქმედებას“, - ნათქვამია განცხადებაში.

ცნობისთვის, არჩევნების დღეს, ქუთაისში #2 საარჩევნო უბანზე „ქართული ოცნების“ წარმომადგენლების მხრიდან თავდასხმა განხორციელდა Cnews-ის ჟურნალისტ, გიგა გელხვიიძეზე. გელხვიიძეს სპეციალურ საგამოძიებო სამსახურში დღეს, 17:00 საათზე გამოჰკითხავენ. მის უფლებებს მედიაომბუდმენის იურისტი დაიცავს.