...

ახალი წლის დღეებში პიროტექნიკის შედეგად მიღებული დაზიანებებისა თუ ინტოქსიკაციის შედეგად კლინიკებში 150-მდე პირი შეიყვანეს.

ახალი წლის ღამეს სასწრაფო-სამედიცინო დახმარების სამსახურში პიროტექნიკით მიღებული დაზიანების შესახებ 33 შეტყობინება შევიდა, შედეგად 20-მდე მოქალაქე კლინიკაშია გადაყვანილი. 

საგანგებო სიტუაციების მართვისა და კოორდინაციის ცენტრის ცნობით, ახალი წლის ღამეს თბილისში ალკოჰოლის მოხმარებასთან დაკავშირებით 208 გამოძახება დაფიქსირდა, რა დროსაც 64 პირი კლინიკაში გადაიყვანეს.

რეგიონების მასშტაბით, კვებითი და ალკოჰოლური ინტოქსიკაციის 110 შემთხვევა დაფიქსირდა, ჰოსპიტალიზაცია 67 პირს დასჭირდა.