მოსამართლემ გადაწყვიტა ერთ პატარა ოთახში ამოახრჩოს ბრალდებულები, ბადრაგი, პოლიცია და ბრალდებულების ნათესავები - ზურაბ ცეცხლაძე

სულ ნახვები : 76
Მიახლოება გადიდება წაიკითხეთ მოგვიანებით ბეჭდვა

...

მოსამართლემ გადაწყვიტა ერთ პატარა ოთახში ამოახრჩოს ბრალდებულები, ბადრაგი, პოლიცია და ბრალდებულების ნათესავები, - ამის შესახებ აქციაზე დაკავებული, ზვიად ცეცხლაძის მამამ, ზურაბ ცეცხლაძემ სასამართლოში განაცხადა.

„პირდაპირ შემიძლია გითხრათ, რომ სასამართლო დღეს, საქართველოში აღარ არის, მკვდარია! ფსკერია სასამართლო. მოსამართლე ხუსკივაძე არის ფსკერს ქვევით, მოსამართლე ხუსკივაძე არის უგულო, ცივი, მკვდარი ადამიანი, როგორი სამართალიც არის ამ ქვეყანაში. ასეთი პრეცედენტი დედამიწას არ ახსოვს, მოსამართლემ ერთ პატარა ოთახში გადაწყვიტა ამოახრჩოს ბრალდებულები, ბადრაგი, პოლიცია და ბრალდებულების ნათესავები. მსგავსი უნამუსობა ცხოვრებაში არ გამიგია, არ მინახავს. ერთი ის აკლიათ, ე.წ. ტროიკა შექმნან და ხალხი დახვრიტონ ოთახებში, სადარბაზოებში და ა.შ.

ეს ხალხი, ეს ქვეყანა, ეს რეჟიმი აუცილებლად მიიღებს საკადრის პასუხს, რასაც უკეთებენ საკუთარ მოსახლეობას. ტყუილად არ სკანდირებდნენ დღეს, „რევოლუციას“. ესენი ისე გააკეთებენ და ისე მიიყვანენ საქმეს, რომ მიიღებენ რევოლუციას ამ ქვეყანაში და დახვრიტონ და გაანადგურონ საქართველოს მოსახლეობა და დარჩნენ თვითონ „ქართული ოცნება“, ბიძინა ივანიშვილი და მისი ეს, მოკლე, პატარა ბანდა, რომელიც დღეს ქვეყანას არაადამიანურად მართავს“-განაცხადა ცეცხლაძემ.

ცნობისთვის, სასამართლოს სხდომა დაკავებულმა პირებმა და მათმა ადვოკატებმა პროტესტის ნიშნად დატოვეს.

Მეტის ნახვა

უახლესი ვიდეოები

საზოგადოება ► პერსონა Მეტის ნახვა