ბოლომდე ვიბრძოლებ მათთან ერთად - სოფო ჯაფარიძე იგორ ნარმანიას დაკავებაზე
...
„ეს არის რუსული რეჟიმის ნამდვილი სახე, ის რომ დევნიან განსხვავებულ მოსაზრებას და პოზიციას, ეს არის ქართული ოცნების ხელწერა, მათ სხვა არაფერი დარჩენიათ“ - ასე ეხმიანება CNews-თან საუბრისას, ენმ-ს ახალგაზრდული ფრთის ხელმძღვანელის, იგორ ნარმანიას დაკავებას, მიხეილ სააკაშვილის წარმომადგენელი სოფო ჯაფარიძე.
ჯაფარიძის შეფასებით, ის რაც ვიხილეთ არის, ახალგაზრდების მიმართ რუსული მეთოდებით ბრძოლა.
„ერთადერთი რითაც შეუძლიათ, რომ მოგვერიონ თავიანთი აზრით, ეს არის დევნა და დაჭერები, მაგრამ ვერ მოგვერევიან და ამ გულანთებულ ახალგაზრდებს ვერ მოერევიან.
განსაკუთრებით მინდა გამოვყო იგორ ნარმანია, რომელიც დგას და წარმოადგენს იმ ახალგაზრდებს, რომლებიც აპროტესტებენ უსამართლობას.
ეს არის ადამიანი, რომელიც მთელს თავის ენერგიას უთმობს ბრძოლას უკეთესი მომავლისთვის. ეს არის ტრაგედია რასაც „ქართული ოცნება“ კადრულობს, შეუძლებელია ვუყუროთ იმას, თუ როგორ იჩაგრება რუსული რეჟიმის მხრიდან ჩვენი თაობა. რა თქმა უნდა ვემიჯნები ამ ყველაფერს და ვიბრძოლებ მათთან ერთად ბოლომდე“, - განაცხადა ჯაფარიძემ.
