ყველაზე დიდი უბედურებაა, რომ გენერალური პროკურორი ФСБ-ს აგენტი ყოფილა - სალომე ზურაბიშვილი
...
"ყველაზე დიდი უბედურებაა, როცა ქვეყანაში ყოფილა ფსბ-ს თუ კგბ-ს აგენტი" - ასე ეხმაურება პრეზიდენტი სალომე ზურაბიშვილი, ფარცხალაძის დასანქცირებას და გამოძიების დაწყებას ითხოვს.
პრეზიდენტს აშშ-დან მიაწოდეს დეტალური ინფორმაცია, რა გახდა ოთარ ფარცხალაძის დასანქცირების მიზეზი.
"ბატონმა კახამ (კალაძე) მგონი თქვა, რომ ყველაზე დიდი უბედურება ჩემი ვიზიტებია ევროპაში. ყველაზე დიდი უბედურებაა, როცა ქვეყანაში ყოფილა ფსბ-ს თუ კგბ-ს აგენტი. კიდევ უფრო დიდი უბედურებაა,როცა ამის შესახებ არ არის ისეთი ფორიაქი იმ უწყებებში, რომლებიც უნდა იძიებდნენ.
მოვითხოვ, რომ საზოგადოებას პასუხი გაეცეს, დეტალურ გამოძიებას, ეს არის არა თხოვნა, არამედ მოთხოვნა", - ამბობს სალომე ზურაბიშვილი.
