English 
კოლუმბიის პრეზიდენტი მთელ მსოფლიოში კოკაინის ლეგალიზაციას ითხოვს
...
კოლუმბიის პრეზიდენტმა გუსტავო პეტრომ, გაეროს გენერალურ ასამბლეაზე გამოსვლისას, მთელ მსოფლიოს კოკაინის ლეგალიზაციისკენ მოუწოდა.
მისი აზრით, მსოფლიოში არის ნივთიერებები, რომლებიც არანაკლებ შხამიანია, მაგრამ ამავდროულად ადამიანებისთვის ნებადართული.
"ნახშირისა და ნავთობის მოხმარებით ბევრად მეტი ადამიანი იღუპება. მათმა გამოყენებამ შეიძლება გამოიწვიოს მთელი კაცობრიობის სიკვდილი. (...) რა არის კაცობრიობისთვის უფრო შხამიანი - კოკაინი, ქვანახშირი თუ ნავთობი? “- დასძინა პეტრომ.
პეტრომ, რომელიც წარმოადგენს მემარცხენე კოალიციას, კოლუმბიის პრეზიდენტის თანამდებობა 7 აგვისტოს დაიკავა. წინასაარჩევნო კამპანიის დროს მან ეჭვქვეშ დააყენა ნარკოტიკებით ვაჭრობის წინააღმდეგ ბრძოლის ქვეყანაში არსებული პოლიტიკის ეფექტურობა.
