ბრაზილიის სამხრეთით ციკლონს 20-ზე მეტი ადამიანი ემსხვერპლა
სულ ნახვები :
209
...
ბრაზილიის სამხრეთ რეგიონებში ექსტრატროპიკული ციკლონის შედეგად სულ მცირე 22 ადამიანი დაიღუპა.
ამის შესახებ გამოცემა O Globo ადგილობრივ ხელისუფლებაზე დაყრდნობით იტყობინება.
კერძოდ, 21 ადამიანი გახდა სტიქიის მსხვერპლი რიო გრანდე-დუ სულის შტატში და კიდევ 1 მეზობელ სანტა კატარინაში. მათ შორის იყო მაშველი, რომელიც სამსახურებრივი მოვალეობის შესრულებისას დაიღუპა.
განმარტავენ, რომ ზოგან ძლიერი წვიმის შედეგად მდინარეებში წყლის დონემ 20 მეტრით მოიმატა, რამაც მასშტაბური წყალდიდობა გამოიწვია.