...

ლატვიის პარლამენტმა გენერალურ პროკურატურას პარტია „თანხმობის“ დეპუტატის, იანის ადამსონსის სახლში ჩხრეკის ჩატარების და მისი დაკავების ნება დართო.

ლატვიის ყოფილი შს მინისტრი რუსეთის სასარგებლოდ ჯაშუშობაშია ეჭვმიტანილი. გამოძიებით დგინდება, რომ ექსმინისტრი ბოლო 4 წლის განმავლობაში რუსეთს ლატვიის შიარაღებული ძალების ბიუჯეტის, შესყიდვებისა და აღმოსავლეთ საზღვრის შესახებ აწვდიდა ინფორმაციას. საუბარია ჯაშუშობის 43 ეპიზოდზე.

ადამსონსი ბრალდებებს უარყოფს. მინისტრის პოსტს ის 1994-1995 წლებში იკავებდა, ბოლო წლებში კი სეიმის თავდაცვის, შინაგან საქმეთა და კორუფციის პრევენციის კომისიის წევრი იყო.