...

რუსეთის სახელმწიფო სათათბიროს დეპუტატმა განაცხადა, რომ Telegram თანამშრომლობს რუსეთის უსაფრთხოების ძალებთან.

მისი თქმით, პლატფორმა იქცევა ისე, როგორც უნდა იქცეოდეს და ჯდება კანონის ფარგლებში.

„Telegram თანამშრომლობს რუსეთის სამართალდამცავ ორგანოებთან და იქცევა კანონის ფარგლებში“, - განაცხადა სახელმწიფო სათათბიროს დეპუტატმა მეტელევმა რუსეთში მესენჯერის დაბლოკვის შესაძლებლობის შესახებ კითხვის პასუხად.

მისივე თქმით, ტერორისტები, რომლებმაც „კროკუსზე“ თავდასხმა განახორციელეს ინფორმაციას სხვა პლატფორმებზე აგროვებდნენ.

„ტელეგრამის ადმინისტრაციაც და თავად პაველ დუროვიც ყოველთვის ძალიან სწრაფად რეაგირებენ - ჩვენ ამას უბრალოდ ვხედავთ - ინციდენტებზე, თანამშრომლობენ სამართალდამცავ ორგანოებთან, მათ შორის აკრძალული შინაარსის შეტყობინებების დაბლოკვის ჩათვლით. ისე, ტერორისტები არ იწვევდნენ რეკრუტირებას Telegram-ზე, ისინი აგროვებდნენ ინფორმაციებს WhatsApp-ზე ან სადმე სხვაგან. აქ ჩვენ უნდა ვიმუშაოთ პრევენციაზე, ალგორითმებზე, დარწმუნებული ვარ, ამას სპეცსამსახურები აკეთებენ“, - განმარტა დეპუტატმა.