...

აშშ-ის ექს პრეზიდენტი დონალდ ტრამპი მიიჩნევს, რომ ,,უკრაინის გადარჩენა ჯრიტიკულად მნიშვნელოვანია შეერთებული შტატებისთვის" და უსაყვედურა ევროპელ მოკავშირეებს ,,კიევის არასაკმარისი მხარდაჭერისთვის".  ამის შესახებ მან თავის სოციალურ ქსელში Truth Social დაწერა.

ტრამპის განცხადება გაკეთდა ერთი დღის შემდეგ, რაც ის ნიუ-იორკის ოფისში პოლონეთის პრეზიდენტს ანჯეი დუდას შეხვდა.

თავის პოსტში აშშ-ის ყოფილმა პრეზიდენტმა პირველად ისაუბრა უკრაინის მხარდაჭერის გაძლიერების აუცილებლობაზე, თუმცა მხარი არ დაუჭირა ქვეყნისთვის 61 მილიარდი დოლარის გამოყოფის კანონპროექტს, რომელსაც წარმომადგენელთა პალატა მალე უყრის კენჭს.