...

სამხრეთ კავკასიაში NATO-ს სპეციალური წარმომადგენელი ხავიერ კოლომინა X-ზე საქართველოს პარლამენტის მიერ რუსული კანონის პირველი მოსმენით მიღებას ეხმიანება.

კოლომინა აცხადებს, რომ NATO შეშფოთებულია საქართველოს პარლამენტის გადაწყვეტილებით.

,,საქართველოსთვის, როგორც NATO-ს ასპირანტი ქვეყნისთვის, უმთავრესია სწორი ჩარჩოს ქონა და მედიის თავისუფლების და სამოქალაქო საზოგადოების ჩართულობის უზრუნველყოფა. ეს კანონი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას, - წერს კოლომინა.