...

,,ვაგნერელს“, რომელმაც 85 წლის პენსიონერი გააუპატიურა და მოკლა, 22 წლით თავისუფლების აღკვეთა მიუსაჯეს.

ვაგნერის ყოფილი დაქირავებული ივან როსომახინი დამნაშავედ ცნეს პენსიონერის იულია ბუისკიხის მკვლელობაში, წერს Mediazona.

უკრაინის ომის მონაწილემ გააუპატიურა ქალი და მოკლა. ის ბუისკისების სახლში ნასვამ მდგომარეობაში შეიჭრა.

ადგილობრივების თქმით, ომიდან დაბრუნების შემდეგ როსომახინი პროვოკაციულად იქცეოდა: ის სოფელში ცულითა და ფიწლით დადიოდა და ხალხს ძალადობით ემუქრებოდა.

როსომახინი ადრეც იყო ნასამართლევი მსგავს საქმეზე: 2020 წელს მან მიიღო 14 წელი მაქსიმალური უსაფრთხოების კოლონიაში თანასოფლელის მკვლელობისთვის. კოლონიაში კაცმა გააფორმა კონტრაქტი ვაგნერთან და უკრაინის ომის შემდეგ  დაბრუნდა მშობლიურ სოფელში.