იმერეთში სტიქიამ 26 სახლი დააზიანა, 5 სოფელს ელექტროენერგია არ მიეწოდება

სულ ნახვები : 493
Მიახლოება გადიდება წაიკითხეთ მოგვიანებით ბეჭდვა

...

ამ დროის მონაცემებით, იმერეთში სტიქიის შედეგად  26 სახლია დაზიანებული, - ამის შესახებ იმერეთში მხარის რწმუნებულმა, ზვიად შალამბერიძემ ჟურნალისტებს განუცხადა.

რწმუნებულის თქმით, ამ დროისთვის იმერეთის 5 სოფელს ელექტროენერგია არ მიეწოდება.

„ამ ეტაპზე არსებული ინფორმაციით, იმერეთში 26 სახლია დაზიანებული, 7 სოფელს ელექტროენერგია არ მიეწოდებოდა, საიდანაც 2-ს უკვე აღუდგა ელექტროენერგია“, - განაცხადა შალამბერიძემ.

რაც  შეეხება ზარალის ოდენობას, რწმუნებულის თქმით, ზარალის დათვლა უკვე მიმდინარეობს.

მისივე თქმით, სტიქიამ იმერეთის 5 მუნიციპალიტეტი  დააზარალა, განსაკუთრებული ზიანი ზესტაფონისა და ბაღდათის სოფლების მიადგა.

შეგახსენებთ, გუშინ იმერეთში ძლიერი წვიმა და სეტყვა იყო, რასაც თან ძლიერი ქარი ახლდა, რამაც ვენახები, ნათესები და  საცხოვრებელი სახლები დააზიანა.

Მეტის ნახვა

უახლესი ვიდეოები

რეგიონი ► Მეტის ნახვა