...

ირანი უარყოფს ბრალდებებს რუსეთის ფედერაციისთვის ბალისტიკური რაკეტების მიწოდების თაობაზე, დასავლეთის ქვეყნების განცხადებების ფონზე „უკრაინაში კონფლიქტის შესაძლო ესკალაციის შესახებ“.

პარასკევს, ირანის მისიამ გაეროში განაცხადა, რომ ირანის პოზიცია უკრაინის კონფლიქტთან დაკავშირებით უცვლელი რჩება: ქვეყანა ეწინააღმდეგება ორივე მხარის სამხედრო დახმარებას და მოუწოდებს ცეცხლის შეწყვეტის შესახებ მოლაპარაკებებისკენ.

 „ირანის პოზიცია უკრაინის კონფლიქტთან დაკავშირებით უცვლელი რჩება. ირანი არაადამიანურად მიიჩნევს მხარეებისთვის სამხედრო დახმარების გაწევას, რაც იწვევს მსხვერპლის გაზრდას და ინფრასტრუქტურის განადგურებას", - ნათქვამია ირანის მხარის განცხადებაში.

 ასევე ირანის ელჩმა გაეროში, ამირ საიდ ირავანმა უარყო დასავლეთის ბრალდებები რუსეთისთვის იარაღის მიწოდებასთან დაკავშირებით, და ბრალდებას „უსაფუძვლო და შეცდომაში შემყვანი“ უწოდა. მან აღნიშნა, რომ ბრალდებები მოდის სახელმწიფოებიდან, რომლებიც თავად უკრაინისთვის იარაღის მიწოდებით „მნიშვნელოვანი წვლილი შეაქვთ კონფლიქტის ესკალაციაში“.

 „ეს არის ფარისევლობა და ამ ქვეყნების ვიწრო პოლიტიკური ინტერესები“, - დასძინა ირავანმა.