...

ბელორუსში, კანონის თანახმად, „ამნისტიის შესახებ ნაცისტური დამპყრობლებისგან ბელორუსის განთავისუფლების 80 წლისთავთან დაკავშირებით“, სულ მცირე ცხრა პოლიტპატიმარი გაათავისუფლეს. ამის შესახებ უფლებადამცველი ცენტრი „ვიასნა“ იუწყება.

გათავისუფლებულთა შორის არის სამი ქალი და ექვსი მამაკაცი, მათ შორის ოპოზიციური პარტია „ბელარუსის სახალხო ფრონტის“ ხელმძღვანელი გრიგორი კოსტუსევი, რომელიც დაავადებულია კიბოთი და მიესაჯა 10 წლით თავისუფლების აღკვეთა. უფლებადამცველები დარჩენილი გათავისუფლებული პირების ვინაობას უსაფრთხოების მიზნით ჯერ არ ასახელებენ.

Viasna-ს ცნობით, ზოგიერთი პოლიტპატიმარი ამნისტიით გაათავისუფლეს, ნაწილი კი პრეზიდენტმა შეიწყალა.

2 ივლისს ლუკაშენკომ გამოაცხადა, რომ აპირებს მალე გაათავისუფლოს რამდენიმე მძიმედ დაავადებული პოლიტპატიმარი, პირველ რიგში კიბოთი დაავადებული.

წინა ამნისტია ბელორუსიაში 2022 წლის შემოდგომაზე მოხდა. მაშინ ეს არ შეეხო პოლიტიკურ პატიმრებს. მხოლოდ Viasna-ს მონაცემებით, ქვეყანაში 1400-ზე მეტი მათგანია. ასამდე მათგანი ჰუმანიტარულ სიაშია: მათ სასწრაფოდ გათავისუფლება სჭირდებათ ჯანმრთელობის, ასაკისა თუ სხვა მიზეზების გამო.